Svefnmeðferðarfyrirtækið Betri svefn hefur sett nýtt smáforrit á markaðinn sérstaklega ætlað konum. Forritið, sem gengur undir nafninu SheSleep, gerir konum kleift að kortleggja eigið svefnmynstur, sækja sér meðferð við svefnvanda, fylgjast með tíðahring sínum og áhrifum hormóna á svefn og heilsu ásamt því að bjóða upp á almennan fróðleik um svefn og tækni til að ná slökun.
Dr. Erla Björnsdóttir, framkvæmdastjóri Betri svefns, segir að forritið verði keyrt á Íslandi á þessu ári en stefnt er á úrás á næsta ári, meðal annars til Danmerkur og Svíþjóðar. » ViðskiptaMogginn