Norður
♠ G96
♥ Á52
♦ ÁD4
♣ 10864
Vestur
♠ KD10543
♥ 10964
♦ 85
♣ 2
Austur
♠ 72
♥ K3
♦ KG10932
♣ D73
Suður
♠ Á8
♥ DG87
♦ 76
♣ ÁKG95
Suður spilar 3G.
Stórsveit Nick Nickells lagði Kevin Bathurst og félaga 149-112 í 60 spila úrslitaleik Vanderbilt á vorleikunum í Louisville. Með Nickell spiluðu, eins og oft áður undanfarin ár: Ralph Katz, Geoff Hampson, Eric Greco, Steve Weinstein og Bob Levin. Hampson var við stýrið í 3G í spilinu að ofan og fékk út magnaða tíguláttu. Vestur hafði hindrað í spaða.
Hampson las útspilið vel og stakk upp tígulás. Fór síðan heim á laufás og renndi hjartadrottningu yfir á kóng austurs, sem síðan skipti yfir í spaða. Hampson drap og tók á hjartagosa og ás. Legan í hjarta var upplýsandi og Hampson vissi nákvæmlega hvað hann átti að gera í laufinu – svína fyrir drottninguna. Níu slagir.
Hinum megin spilaði norður 3G með spaðaútspili upp á drottningu og tígli til baka. Sagnhafi drap á ♦Á og tók á ♣ÁK. Einn niður.