Olivia Colman
Olivia Colman
Átök Cumberbatch og Olivia munu takast á í hlutverkum hjóna.
[ Smellið til að sjá stærri mynd ]
Ensku leikararnir Benedict Cumberbatch og Olivia Colman munu að öllum líkindum fara með aðalhlutverkin í endurgerð á gamanmyndinni The War of the Roses sem bera mun titilinn The Roses

Ensku leikararnir Benedict Cumberbatch og Olivia Colman munu að öllum líkindum fara með aðalhlutverkin í endurgerð á gamanmyndinni The War of the Roses sem bera mun titilinn The Roses. Upprunalega kvikmyndin er frá árinu 1989 og var leikstýrt af Danny DeVito en þau Michael Douglas og Kathleen Turner fóru með hlutverk Roses-hjónanna sem reyna allt hvað þau geta til að koma hvort öðru út úr húsi sínu og um leið fyrir kattarnef. Naut sú mynd mikilla vinsælda og hlaut meðal annars tilnefningar til BAFTA og Golden Globe-verðlaunanna.

Endurgerðin virðist nokkuð nærri frumgerðinni hvað söguþráð varðar og er ljóst að mikið mun ganga á hjá þeim Colman og Cumberbatch við tökur á myndinni.