Norður
♠ 97632
♥ Á1085
♦ 9
♣ G43
Vestur
♠ 108
♥ K943
♦ G542
♣ ÁD7
Austur
♠ Á
♥ DG76
♦ ÁD873
♣ 952
Suður
♠ KDG54
♥ 2
♦ K106
♣ K1086
Suður spilar 4♠.
„Burtséð frá því að vera afsölun á frumkvæði þá hafa trompútspil leyndan galla, sem oft vill gleymast.“ Gölturinn hafði fundið dæmi frá úrslitaleik Vanderbilt þar sem útspil í trompi kostaði ekki beint samninginn en leiddi vörnina á villigötur.
Suður spilaði 4♠ á báðum borðum eftir tígulopnun í austur. Öðrum megin kom út tígull upp á ás og lauf um hæl. Einn niður í hvelli. Hinum megin trompaði vestur út. Austur skipti yfir í lauf og valdi tvistinn til að sýna lengd. Vestur tók á ♣ÁD og spilaði þriðja laufinu í þeirri von að makker ætti kónginn. Unnið spil.
„Kannski átti austur að spila laufníunni frekar en tvistinum – það er álitamál. En trompútspilið gefur litlar upplýsingar og þar með verður svigrúm til mistaka meira. Maður sér þetta svo oft,“ sagði Gölturinn og leit dreyminn til lofts.