Norður
♠ D8
♥ 532
♦ KG972
♣ D73
Vestur
♠ ÁKG92
♥ 1064
♦ D53
♣ 62
Austur
♠ 104
♥ ÁK987
♦ 1086
♣ 1084
Suður
♠ 7653
♥ DG
♦ Á4
♣ ÁKG95
Suður spilar 2G.
Hefðbundin skilgreining á grandopnun í Standard er 15-17 punktar og jöfn skipting. Suður á 15 punkta, en það má deila um skiptinguna – hún er alla vega ekki „sjávarflöt“, eins og Hrólfur Hjalta segir. En tvíspilin eru feit og Steve Weinstein kaus að opna á grandi þegar spilið kom upp í úrslitaleik Vanderbilt.
Bobby Levin í norður var spenntur fyrir 3G og spurði um styrk opnunarinnar. Þegar Weinstein sýndi lágmark með 2G lét Levin gott heita. Augnabliki síðar hafði vörnin tekið tíu fyrstu slagina – fyrst fimm á spaða, svo aðra fimm á hjarta: 500 niður!
Lítið við þessu að segja, svo sem, nema kannski, að það hefði komið betur út að opna á laufi frekar en grandi. Það gerði Chris Compton á hinu borðinu. Vestur kom inn á 1♠ og þar dóu sagnir friðsamlega út. Einn niður.