Norður
♠ G6
♥ ÁD9852
♦ D4
♣ DG7
Vestur
♠ 9843
♥ K107
♦ 7
♣ 109852
Austur
♠ KD5
♥ G4
♦ KG9865
♣ 63
Suður
♠ Á1072
♥ 63
♦ Á1032
♣ ÁK4
Suður spilar 4♠.
Vondu spilin koma í knippum. Við sáum í gær spil frá úrslitaleik Vanderbilt þar sem Nickell og Katz gáfu 7G í vörninni. Tveimur spilum síðar opnar Nickell á Standard-grandi sem suður og fær svar á 4♦ frá félaga Katz.
„Alert! Yfirfærsla,“ útskýrir Nickell og segir 4♠. Var greinilega með Texas-afbrigðið í huga þar sem 4♣ er yfirfærsla í hjarta og 4♦ í spaða. En nei – þeir höfðu nýlega breytt yfir í hefðbundnar yfirfærslur. Æ, æ, æ. Hugurinn var enn við gröndin sjö.
Einbeitingin var rokin út í veður og vind og Nickell endaði tvo niður eftir ruglingslega spilamennsku. Síðar meir – ef Nickell skoðar leikinn á Bridgebase – sér hann sér til skelfingar að hið tilfinningalausa reikniforrit GIB heldur því fram að 4♠ standi á borðinu! Legan er ótrúlega góð og vörnin fær bara tvo slagi á tromp og einn á tígul.