Endurnýjað stjórnarsamstarf og staðan í pólitíkinni er í brennidepli í nýjasta þætti Spursmála. Þau Hanna Katrín Friðriksson þingflokksformaður Viðreisnar og Elliði Vignisson bæjarstjóri Ölfuss mæta í settið og ræða nýmyndað ríkisstjórnarsamstarf, sem hlotið hefur töluverða gagnrýni frá því að það var kynnt almenningi síðastliðinn þriðjudag.
Nýtt stjórnarsamstarf hefur verið í hámæli síðustu daga. Ný ríkisstjórn Bjarna Benediktssonar var mynduð á methraða eftir að lausnarbeiðni Katrínar Jakobsdóttur sem forsætisráðherra var samþykkt. Telja margir að núverandi stjórnarsamstarf verði ekki langlíft.
Þá er yfirferð á fréttum vikunnar í sérlega góðum höndum í þættinum. Brynjar Níelsson, fyrrverandi þingmaður Sjálfstæðisflokksins, og Kolbrún Bergþórsdóttir, blaðamaður og bókagagnrýnandi, fara yfir þær fréttir sem mest fór fyrir í vikunni sem senn er á enda.