Norður
♠ Á54
♥ DG7
♦ 108652
♣ 72
Vestur
♠ KD9
♥ 8432
♦ K4
♣ DG108
Austur
♠ 873
♥ 10965
♦ 973
♣ K95
Suður
♠ G1062
♥ ÁK
♦ ÁDG
♣ Á543
Suður spilar 3G.
Það er ekki á allra vitorði, en Gölturinn spilaði vinsæla útgáfu af Precision-kerfinu á yngri árum – svokallað Power Precision. Samkvæmt því kerfi myndi suður opna á sterku laufi og segja svo 1♥ við afmeldingu norðurs á 1♦. Sögnin er tvíræð – annaðhvort hjartalitur eða grandskipting með 19-20 punkta. Norður hlerar á 1♠, suður sýnir grandhöndina með 1G og norður stekkur í 3G.
Gölturinn vill sem minnst um þessi bernskubrek sín tala, „enda varla snilld að ná þremur gröndum með 26 punkta milli handanna“. Eftir sem áður er ómaksins vert að íhuga spilamennskuna í 3G með laufdrottningu út.
Best er að drepa strax á laufás, taka ♥ÁK og spila svo tígulás og gosa. Eftir þrjá slagi á lauf spilar vestur spaðakóng. Sagnhafi drepur og hendir tíguldrottningu heima í stöllu sína í hjarta. Níu slagir.