Á bilinu 25-30 slökkviliðsmenn börðust við sinueld í búgarðabyggð á milli Selfoss og Eyrarbakka í rúmlega klukkutíma í gær. Þegar Morgunblaðið náði tali af Halldóri Ásgeirssyni, aðalvarðstjóra Brunavarna Árnessýslu, í gær var verið að slökkva í eldsglæðum og bruninn orðinn hættulaus: „Við erum að vinna í því að slökkva í glæðum núna þannig að þetta er orðið hættulaust. Það var fyrst og fremst hætta af reyk hérna og svo var gríðarlega hröð útbreiðsla í þessu,“ sagði Halldór og bætti við að bruninn hefði ekki verið fjarri næstu húsum.
Upptök eldsins mátti rekja til rafmagnskapals sem lá á milli húsa. Engum varð meint af en mikill reykur barst frá brunanum: „Það lagði hraustlega yfir nokkur hús þarna en það voru engar skemmdir af reyk eða lykt í húsum.“
Til baka
Leita í greinasafni
Prenta grein