Thorgerd E. Mortensen fæddist 1. apríl 1929. Hún lést 24. mars 2024.
Útför Thorgerdar var gerð 19. apríl 2024.
Minning þín er mér ei gleymd;
mína sál þú gladdir;
innst í hjarta hún er geymd,
þú heilsaðir mér og kvaddir.
(Káinn)
Kær félagi í Inner Wheel-klúbbi Hafnarfjarðar, Thorgerd Elísa Mortensen, er farin heim. Ég kynntist Thorgerd fljótlega eftir að ég gifti mig þar sem hún var í vinahópi tengdaforeldra minna. Hún var alltaf létt í skapi og ljómaði af henni. Síðar þegar ég gekk í klúbbinn 1998 kynntist ég henni enn betur. Hún var ein af stofnfélögum klúbbsins 1976 og forseti hans 1989-1990 en gegndi áður ýmsum embættisstörfum.
Mér er minnisstæð ferð með Rótarýklúbbi Hafnarfjarðar til Færeyja 1999 þegar hún bauð okkur á æskuheimili sitt í Fróðba á Suðurey, Þar fórum við líka í kaupfélagið. Thorgerd var svo leiðsögumaður hópsins um eyna.
Meðan heilsa leyfði mætti hún á fundi.
Við söknum fallega brossins og hugsum hlýtt til þeirra sem á undan eru farnar. Minning hennar lifir.
Ljúfi drottinn lýstu mér,
svo lífsins veg ég finni
láttu ætíð ljós frá þér
ljóma í sálu minni.
(Gísli Gíslason á Uppsölum)
Fyrir hönd stjórnar Inner Wheel-klúbbs Hafnarfjarðar vottum við fjölskyldu allri innilegustu samúð og biðjum Guð að blessa ykkur öll.
Kristjana Þórdís
Ásgeirsdóttir.