Afturelding gerði sér lítið fyrir og vann sannfærandi sigur á ríkjandi Íslandsmeisturum KA, 3:0, á útivelli í fyrsta leik liðanna í úrslitaeinvígi Íslandsmóts kvenna í blaki í KA-heimilinu í gærkvöldi.
Gestirnir úr Mosfellsbæ unnu fyrstu hrinuna eftir upphækkun, 26:24.
Eftir það voru Aftureldingarkonur sannfærandi og unnu tvær síðustu hrinurnar með sama hætti, 25:15, og leikinn örugglega í leiðinni.
Annar leikurinn fer fram í íþróttahúsinu á Varmá í Mosfellsbæ á sunnudaginn kemur. Þrjá sigra þarf til að verða Íslandsmeistari.
Í karlalfokki er Hamar kominn í forystu gegn Aftureldingu eftir sigur í fyrsta leik í Hveragerði, 3:1.
Afturelding byrjaði betur og vann fyrstu hrinuna 25:18. Hamar svaraði af krafti og vann næstu þrjár hrinur, 25:15, 25:13 og 25:21.
Næsti leikur verður í Mosfellsbæ á morgun, laugardag.