Kvikusöfnun undir Svartsengi nálgast 10 milljónir rúmmetra og landris heldur áfram með sama hraða. Haldi kvikusöfnun áfram með sama hraða og hefur verið eru líkur á því að kraftur eldgossins á Sunhnúkagígaröðinni aukist verulega að sögn Veðurstofu Íslands.
Veðurstofa telur líkur á að nýjar gossprungur gætu opnast á svæðinu milli Stóra-Skógfells og Hagafells með stuttum eða engum fyrirvara. Þá er einnig talið að núverandi gosop gæti stækkað skyndilega með aukningu í hraunflæði. Gasmengun mælist enn á svæðinu og engar vísbendingar um að það sé að draga úr gasútstreymi gossins.