Yfirskrift dagskrár sem Ásta Soffía Þorgeirsdóttir harmonikkuleikari og Grétar Örvarsson tónlistarmaður hafa á síðustu dögum flutt á hjúkrunarheimilum á Norðurlandi er Sunnanblær – eftirlætislög Íslendinga. Í fyrra var svipað í boði sem lukkaðist vel svo að endurtaka þurfi leikinn.
„Sjálfum finnst mér gefandi að hitta og ræða við heldri kynslóðina,“ segir Grétar Örvarsson. „Ófáar sögurnar hefur heimilisfólk á hjúkrunarheimilunum sagt okkur frá því þegar Örvar Kristjánsson faðir minn lék hérna fyrir norðan. Svo er gjarnan farið út í ættfræðina.“
Ásta Soffía og Grétar heimsækja sex dvalar- og öldrunarheimili frá Siglufirði til Húsavíkur. „Þetta eru þakklátir áheyrendur,“ segir Grétar um þetta verkefni sem útgerðarfélagið Samherji styður við. sbs@mbl.is