Diskóbandið Sister Sledge kemur fram á tónleikum í Eldborg föstudaginn 9. ágúst, daginn fyrir Gleðigönguna.
„Þessi stórkostlega og margverðlaunaða hljómsveit gerði garðinn frægan á hátindi diskótímabilsins með risasmellum á borð við „We Are Family“, „He's the Greatest Dancer“, „Lost In Music“, „Frankie“ og „Thinking of You“,“ segir í tilkynningu.
Aðalsöngkona hljómsveitarinnar, Kathy Sledge, kemur fram ásamt dönsurum, bakröddum og hljómsveit. „Athugið að hér er ekki um að ræða heiðurstónleika heldur sannkallað diskópartí með lifandi goðsögn,“ segir einnig í kynningu. Tekið er fram að ekki sé hægt að bæta við aukatónleikum.
Miðasala er hafin á Tix.is.