Það gæti verið smekksatriði hvort flokka hefði átt löggildingu kannabis í Þýskalandi akkúrat þann 1. apríl sem húmor eða húmorsleysi, a.m.k. eru mjög deildar meiningar um þetta skyndilega útspil ríkisstjórnarinnar.
Samkvæmt nýju lögunum mega allir fullveðja eiga 25 g af hassi á sér og reykja á almannafæri frá sjö á kvöldin og inn í nóttina.
50 g mega menn geyma heima og þrjár kvenplöntur teljast löglegar í heimahúsum, en um neyslu á veitingahúsum gilda sömu reglur og um tóbaksreykingar. Ekki gerir stjórnin það endasleppt því stofna á klúbba sem eiga að sjá um framboð og ræktun á þessari vöru og þar eiga menn að stunda félagsræktun og fá allt að 50 g á mánuði úr samyrkjunni. Yngri en 21 fá 30 g.
Klúbbarnir útvega líka fræ og stiklinga svo að vel er fyrir öllu séð og minnir á framtíðarútópíu sameignarsinna frá dögum byltinganna sigursælu fyrir austan.
Séðir bissnissmenn eru farnir að bjóða aflagða herskála með sólarsellum og alles fyrir ræktunina. Svo er bara að bíða og sjá.
Sunnlendingur
Til baka
Leita í greinasafni
Prenta grein