Norður
♠ D106
♥ 7432
♦ ÁDG
♣ Á108
Vestur
♠ K2
♥ KDG98
♦ K10
♣ G972
Austur
♠ G854
♥ Á1065
♦ 832
♣ 64
Suður
♠ Á973
♥ –
♦ 97654
♣ KD53
Suður spilar 5♦.
Birkir Jón Jónsson lítur björtum augum á tilveruna. Hann var í suður og makker hans, Aðalsteinn Jörgensen, opnaði á 13-15 punkta Precision-grandi. Birkir spurði um háliti með 2♣ og vestur kom inn á 2♥. Aðalsteinn sagði pass til að neita fjórlit í spaða og austur passaði líka. Komið að Birki Jóni, sem fór í huganum yfir hina ýmsu möguleika: pass, dobl, 2♠, 2G og 3♦.
Engin sögn er góð – pass of dauft, dobl of hættulegt, 2♠ metnaðarlaust, 2G loðið og 3♦ yfirmelding. Þegar allt er vont ber að stefna að hámarksgróða og Birkir krafði í geim með 3♦. Aðalsteinn sagði 3♥, Birkir 4♣ og Aðalsteinn 5♦. Ellefu slagir með því að trompa þrjú hjörtu (öfugur blindur), svína í tígli og spila spaða á drottninguna.
Ekkert annað par Íslandsmótsins svo mikið sem lyktaði af 5♦, hvað þá meira.