Söngvarinn Friðrik Ómar Hjörleifsson verður stigakynnir Íslands á úrslitakvöldi Eurovision-söngvakeppninnar sem fram fer næstkomandi laugardagskvöld. Mun hann kynna stig íslensku dómnefndarinnar
Söngvarinn Friðrik Ómar Hjörleifsson verður stigakynnir Íslands á úrslitakvöldi Eurovision-söngvakeppninnar sem fram fer næstkomandi laugardagskvöld. Mun hann kynna stig íslensku dómnefndarinnar.
Friðrik Ómar þekkir Eurovision vel en hann flutti framlag Íslands í keppninni 2008, með söngkonunni Regínu Ósk, en saman kölluðu þau sig Eurobandið. Lagið This is my life komst þá áfram úr undanúrslitunum og endaði í 14. sætinu á úrslitakvöldinu.