Magnús Halldórsson segir á Boðnarmiði að drjúg séu morgunverkin:
Ormatínslan er á fullu,
ofurhægt þó jörðin grær.
Sprækir líka spóar ullu,
spangólaði hundur fjær.
Ekki er það gott! Guðjón Jóhannesson yrkir:
Göt þó séu á guðstrú minni
er góð mín sál og hjartahlý.
Að mér gæti í orðræðunni
engu til hins verra sný.
En mildur þó sé yst og inni
ókjör þessi við ég bý
að nú er álft í nýræktinni!
Ég neyðist til að bölva því.
Limran Skortur eftir Hallmund Guðmundsson:
Þó drykki ég býsn úr skrítnum skrínum
og skálað' mikið í rauðum vínum.
- Þá af mér dró,
því ekki fékk nóg
- af A-B-C-D-vítamínum.
Friðrik Steingrímsson yrkir:
Trump víst fáum gefur grið
glennir sig við dómsvaldið,
kyndugt væri'ef kjaftbrúkið
kæm'onum í tugthúsið.
Hannes Sigurðsson yrkir um kínversk alþýðufræði í limrískum búningi:
það mælti Maó Zedong
við meistara Ho Xi Jong:
„Vatnið er blautt
og blóðið er rautt,
en bregðist það; something is wrong“
Lunda-limra
Grímhildur glöð í lund
gekk inn í skógarlund
þá komið var kveld
hún kveikti þar eld
og grillaði grísalund
Halldór Halldórsson segir frá því að karlinn á holtinu í Hafnarfirði lítur yfir farinn veg og man eftir þegar hann hélt sig geta stytt sér leið í gegnum vandamál lífsins!
Þótt gangi beint á gleðistað,
gegnum ævispilið;
fæ ég aðeins fyrir það,
flest sem átti skilið!
og hvetja þig til dáða.¶Ég leiðbeini hvert líta skal,¶lausn þá muntu finna.¶Úrlausn mála er þitt val,¶athugana þinna.¶Philip Vogler Egilsstöðum yrkir á Héraði síðasta apríldag:¶Þornar víða, lóa á létt að lifa í móa.¶Pöddur skríða, grösin gróa.¶Geðgóð bíðum eftir spóa.¶Jóhann frá Flögu segir frá: Um oflátung nokkurn, kynjaðan úr Þingeyjarþingi, orti Baldur Eiríksson frá Dvergstöðum í Eyjafirði, starfsmaður í KEA:¶Oft með pyngju fer hann flott,¶fljóðin syngur kringum,¶er með hringað uppbrett skott¶arf frá Þingeyingum.¶Vísa þessi mun vera um vinnubrögðin á Melum í Hrútafirði, en þar var búskapur mikill:¶Mikið gengur Melum á,¶margir lúa hrinda:¶tíu að raka, tólf að slá,¶tuttugu hey að binda.¶Öfugmælavísan:
Gott er að taka grös í mó
með garmvettlingi loðnum,
einnig leggja línu í sjó,
laxi beita soðnum.