Knattspyrnumaðurinn Sveinn Margeir Hauksson mun ekki klára tímabilið með KA í Bestu deildinni þar sem hann er á leiðinni í UCLA-háskólann í Bandaríkjunum í ágúst. Sveinn er 22 ára miðjumaður sem gekk til liðs við KA um mitt sumar árið 2019

Knattspyrnumaðurinn Sveinn Margeir Hauksson mun ekki klára tímabilið með KA í Bestu deildinni þar sem hann er á leiðinni í UCLA-háskólann í Bandaríkjunum í ágúst. Sveinn er 22 ára miðjumaður sem gekk til liðs við KA um mitt sumar árið 2019. Þá hefur hann leikið 83 leiki í efstu deild með KA og skorað 10 mörk.

Knattspyrnukonan Helga Guðrún Kristinsdóttir leikmaður Fylkis verður frá næstu vikurnar eftir að hafa tvíbrotnað á hendi í leik Fylkis og Tindastóls á Sauðárkróki í 4. umferð Bestu deildarinnar á fimmtudaginn.

Guðlaugur Victor Pálsson, landsliðsmaður í knattspyrnu, missir af vináttulandsleikjum Íslands gegn Englandi og Hollandi sem fram fara í London og Rotterdam 7. og 10. júní. Guðlaugur Victor meiddist í síðasta leik Eupen í Belgíu, gegn Kortrijk, þegar liðband í hné tognaði og hann verður frá í einar sex vikur.