Norður
♠ 63
♥ 864
♦ ÁK42
♣ ÁD53
Vestur
♠ K1085
♥ KDG
♦ G983
♣ 108
Austur
♠ D974
♥ 109
♦ D105
♣ G976
Suður
♠ ÁG2
♥ Á7532
♦ 76
♣ K42
Suður spilar 4♥.
„Þetta er eins og að kaupa skó.“ Önnur sögn suðurs var til umræðu á kaffifundi þríeykisins og Gölturinn var í skáldlegu skapi: Suður opnar á 1♥ og fær svar á 2♣. Nú er engin réttlýsandi sögn til – það vantar fjórða laufið í 3♣, tígulfyrirstöðu í 2G og lengra/betra hjarta í 2♥.
Gölturinn vill segja 2♠. „Það er skárra að kaupa víða skó en þrönga,“ segir hann, því alltaf má fara í þykkari sokka. Í þessu tilfelli skiptir svo sem engu máli hvað suður gerir – norður mun alltaf segja 4♥ næst og þar lýkur sögnum. Hjartakóngur út.
Suður dúkkar, drepur næsta slag á hjartaás, spilar tígli þrisvar og trompar. Spilar laufi á blindan og trompar aftur tígul. Spilar svo laufinu og trompar það fjórða með síðasta trompinu heima. Vestur er varnarlaus, hvenær sem hann kýs að trompa.