Kínverskir bílaframleiðendur hafa heldur betur gert sig gildandi á undanförnum árum, og því ekki að furða að margir hafi fylgst spenntir með alþjóðlegu bílasýningunni í Peking sem hófst í lok apríl.
Að sögn skipuleggjenda voru 117 nýjar bifreiðar frumsýndar á sýningunni í ár og gaf að líta bæði framúrstefnulega hugmyndabíla sem og jarðbundnari farartæki sem væntanleg eru á markaðinn hvað úr hverju.
Eins og lesendur geta séð á myndunum sem fylgja þessari grein er kínverskur bílaiðnaður kominn á fulla ferð og ljóst að framleiðendur á Vesturlöndum munu þurfa að hafa sig alla við í samkeppninni. ai@mbl.is