Norður
♠ K1072
♥ K
♦ 7643
♣ K532
Vestur
♠ 5
♥ ÁG8732
♦ K102
♣ DG10
Austur
♠ 9
♥ 10954
♦ 10985
♣ Á876
Suður
♠ ÁDG8643
♥ D6
♦ ÁD
♣ 94
Suður spilar 4♠.
„Hvað er í gangi?“ Vestur vaknar upp við vondan draum í miðju spili. Andartaks kæruleysi – hirðuleysi, réttara sagt – virðist ætla að koma honum í koll. Hann spilar út laufdrottningu gegn 4♠ og á slaginn.
Sagnir voru fjörugar, eins og gefur að skilja: Opnun á 1♠ í suður, 2♥ í vestur, 3♠ í norður, 4♥ í austur og 4♠ í suður. Vestur fær næsta slag á laufgosa og spilar laufi í þriðja sinn. Sagnhafi trompar, spilar spaða á blindan og trompar síðasta laufið. Spilar svo hjartadrottningu!
Nákvæmlega hér vaknar vestur upp með andfælum. Hann hefði betur hirt á hjartaásinn strax frekar en að láta endaspila sig svo neyðarlega. En kannski er ekki öll nótt úti enn. Og svo er raunar alls ekki. Suður á í mesta lagi níu svört spil. Ef hjartadrottningin er blönk þá á hann alla vega ÞRJÁ tígla. Og þá er óhætt að spila hjarta.