Norður
♠ G985
♥ G84
♦ ÁK
♣ KG72
Vestur
♠ D4
♥ Á10962
♦ 85
♣ Á1064
Austur
♠ 1076
♥ K7
♦ 109832
♣ 853
Suður
♠ ÁK32
♥ D53
♦ DG74
♣ D9
Suður spilar 3G.
„Nú loksins skil ég þessa reglu.“ Spil frá æfingaleik Íslands og Hollands var til umræðu á fuglaþingi – 3G, þrátt fyrir 4-4-fitt í spaða. „Látum það vera,“ segir Óskar ugla. „Mér finnst hins vegar að Hollendingurinn hefði átt að vinna spilið.“
Sigurbjörn Haraldsson kom út með ♥6 (fjórða hæsta) og Magnús Magnússon drap á kóng og spilaði ♥7 um hæl. Bessi lét níuna og blindur átti slaginn. Nú vinnst samningurinn með því að taka ♦ÁK og toppa spaðann en Bob Drijver valdi að spila laufi og fór niður.
Á öðru borði kom út ♥10 – annað frá brotinni röð. Lítið úr blindum og LÍTIÐ frá Tim Verbeek í austur! Stífla og unnið spil. Af hverju lítið hjarta? Jú, það er betra ef vestur á drottninguna. Gömul útspilsregla rifjaðist upp fyrir Óskari: að spila öðru hæsta frá „smábrotinni“ röð (D109) en þriðja frá „stórbrotinni“ (Á109). „Ekki svo vitlaust.“