Messur

ÁRBÆJARKIRKJA | Guðsþjónusta kl. 11. Sr. Þór Hauksson þjónar fyrir altari og prédikar. Organisti er Krisztina Kalló Szklenár. Kirkukórinn leiðir almennan safnaðarsöng. Einsöngur: Dagrún Þórný Marínardóttir. Kaffi og spjall eftir guðsþjónustuna.

ÁSKIRKJA | Messa kl. 13. Sr. Sigurður Jónsson prédikar og þjónar fyrir altari. Kór Áskirkju syngur. Organisti er Bjartur Logi Guðnason. Hressing eftir messu.

BOÐUNARKIRKJAN | Samkoma kl. 11. Predikun: Þórdís Malmquist.

BÚSTAÐAKIRKJA | Kvöldmessur sumarsins í Bústaðakirkju hefjast kl. 20. Við skiptum yfir í sumartímann og verður helgihaldið jafnframt með látlausara sniði en yfir vetrartímann. Félagar úr Kammerkór Bústaðakirkju syngja undir stjórn Ástu Haraldsdóttur, organista Grensáskirkju. Sr. Þorvaldur Víðisson flytur hugleiðingu og leiðir stundina ásamt messuþjónum.

DÓMKIRKJAN | Messa kl. 11. Séra Jón Ásgeir Sigurvinsson prédikar og þjónar fyrir altari. Guðmundur Sigurðsson dómorganisti og Dómkórinn.

FRÍKIRKJAN Reykjavík | Guðsþjónusta kl. 14. Dr. Sigurvin Lárus Jónsson prestur Fríkirkjunnar leiðir stundina. Hljómsveitin Mantra og Sönghópurinn við Tjörnina leiða tónlistina ásamt Gunnari Gunnarssyni, organista.

GLERÁRKIRKJA | Kvöldguðsþjónusta kl. 18. Sr. Magnús G Gunnarsson þjónar fyrir altari. Kór kirkjunnar syngur. Organisti er Valmar Väljaots.

GRAFARVOGSKIRKJA | Kaffihúsamessa kl. 11. Sr. Guðrún Karls Helgudóttir þjónar. Félagar úr kór Grafarvogskirkju leiða söng. Orgnaisti er Hákon Leifsson. Messuformið er einfalt. Kaffi og meðlæti. Siglfirðingamessa er kl. 14. Hátíðarræðu flytur Siglfirðingurinn Björn Z. Ásgrímsson. Sr. Vigfús Þór Árnason þjónar ásamt sr. Ásu Laufeyju Sæmundsdóttur og sr. Kjartani Erni Sigurbjörnssyni. Kór Grafarvogskirkju syngur. Organisti er Hákon Leifsson. Siglfirðingakaffi eftir messu.

GRENSÁSKIRKJA | Guðsþjónusta með altarisgöngu kl. 11. Kirkjukór Grensáskirkju syngur undir stjórn Ástu Haraldsdóttur organista. Sr. Þorvaldur Víðisson prédikar og þjónar fyrir altari ásamt messuþjónum.

GUÐRÍÐARKIRKJA í Grafarholti | Guðsþjónusta kl. 11. Prestur er Sunna Dóra Möller, organisti er Arnhildur Valgarðsdóttir og kór Guðríðarkirkju syngur. Kirkjuvörður er Lovísa Guðmundsdóttir.

HAFNARFJARÐARKIRKJA | Sumarhelgistund kl. 11. Sr. Aldís Rut Gísladóttir leiðir stundina. Forsöngvari úr Barbörukórnum leiðir söng. Kári Þormar leikur á orgel og píanó.

HALLGRÍMSKIRKJA | Messa kl. 11. Sr. Irma Sjöfn Óskarsdóttir prédikar og þjónar fyrir altari. Messuþjónar aðstoða. Kvartett syngur. Organisti er Björn Steinar Sólbergsson sem spilar á nýuppgert Frobenius-orgel Hallgrímskirkju. Aðalsafnaðarfundur Hallgrímskirkjusóknar verður haldinn strax að messu lokinni í norðursal. Ensk messa kl. 14. Sr. Bjarni Þór Bjarnason prestur anglíkönsku kirkjunnar á Íslandi prédikar og þjónar fyrir altari.

HÁTEIGSKIRKJA | Messa kl. 11. Erla Rut Káradóttir og Kordía Kór Háteigskirkju annast tónlistarflutning. Sr. Davíð Þór Jónsson þjónar fyrir altari og prédikar. Kaffi í safnaðarheimilinu á eftir.

HJALLAKIRKJA Kópavogi | Guðsþjónusta kl. 11. Prestur er Sjöfn Jóhannesdóttir, kór Hjallakirkju syngur undir stjórn Gróu Hreinsdóttur. Kaffi og súpa á eftir.

KEFLAVÍKURKIRKJA | U2-messa kl 20. Þar mun Kór Keflavíkurkirkju flytja lög U2 í útsetningu Arnórs Vilbergssonar organista ásamt hljómsveit. Kórmeðlimir sjá einnig um einsöng og dúetta í sumum lögum.

KÓPAVOGSKIRKJA | Messa kl. 11. Sr. Sigurður Arnarson prédikar og þjónar fyrir altari. Félagar úr kór Kópavogskirkju syngja undir stjórn Elísu Elíasdóttur sem leikur á orgel. Gengið verður til altaris.

LANGHOLTSKIRKJA | Sumarmessa kl. 11, léttur hádegisverður í safnaðarheimilinu að messu lokinni. Guðbjörg Jóhannesdóttir sóknarprestur þjónar, félagar úr Fílharmóníunni leiða sönginn undir stjórn Magnúsar Ragnarssonar organista.

LAUGARNESKIRKJA | Sunnudagaskólamessa kl. 11. Líf og fjör í fjölskylduguðsþjónustu með sr. Hjalta og öllum sunnudagaskólakennurunum. Fermingarbörn 2025 og fjölskyldur þeirra velkomin. Síðar sama dag, kl. 13-15, fer fram hverfishátíðin Laugarnes á ljúfum nótum við Laugarneskirkju.

LÁGAFELLSKIRKJA | Heilunarguðsþjónusta kl. 20 í Lágafellskirkju. Guðsþjónustan verður með heilunarívafi, fallegri tónlist og gefa þeim sem koma einstakt tækifæri til að leita inn á við. Sr. Arndís Linn leiðir helgihaldið, Svava Ingólfsdóttir syngur og Arnhildur Valgarðsdóttir organisti leiðir tónlistina. Þá taka heilarar þátt í athöfninni undir stjórn Vigdísar Steinþórsdóttur.

LINDAKIRKJA í Kópavogi | Sunnudagaskóli kl. 11. Guðsþjónusta kl. 20. Kór Lindakirkju syngur undir stjórn Óskars Einarssonar. Sr. Guðmundur Karl Brynjarsson þjónar.

NESKIRKJA | Messa kl. 11 á þrenningarhátíð. Félagar úr Kór Neskirkju syngja og leiða safnaðarsöng undir stjórn Steingríms Þórhallssonar organista. Prestur er Steinunn Arnþrúður Björnsdóttir. Hressing á Torginu að messu lokinni.

NJARÐVÍKURKIRKJA Innri-Njarðvík | Tónlistarmessa í Ytri- Njarðvíkurkirkju kl. 17. Kór Njarðvíkurkirkju undir stjórn Rafns Hlíðkvist syngur. Sr. Baldur rafn Sigurðsson leiðir stundina.

SELJAKIRKJA | Guðsþjónusta í Seljakirkju kl. 11. Sr. Ólafur Jóhann Borgþórsson predikar. Félagar úr Kór Seljakirkju leiða safnaðarsöng. Organisti: Tómas Guðni Eggertsson.

SELTJARNARNESKIRKJA | Fræðslumorgunn kl. 10. Skrímsli í sjó og vötnum á Íslandi. Nýjustu fréttir. Þorvaldur Friðriksson, fyrrverandi fréttamaður talar. Guðsþjónusta kl. 11. Sóknarprestur þjónar. Organisti safnaðarins leikur á orgelið. Ragnhildur Dóra Þórhallsdóttir leiðir almennan safnaðarsöng. Kaffiveitingar í safnaðarheimilinu eftir athöfn. Aðalsafnaðarfundur kl. 12.15 í safnaðarheimili kirkjunnar. Venjuleg aðalfundarstörf.

SKÁLHOLTSDÓMKIRKJA | Messa kl. 11. Prestsþjónusta sr. Axel Á Njarðvík. Organisti er Jón Bjarnason.

STRANDARKIRKJA | Guðsþjónusta kl. 14. Kór Þorláks- og Hjallakirkju leiðir almennan söng undir stjórn Esterar Ólafsdóttur, organista. Sr. Sigríður Munda Jónsdóttir þjónar.

VÍDALÍNSKIRKJA | Messa kl. 11. Sr. Matthildur Bjarnadóttir þjónar fyrir altari og predikar. Kór Vídalínskirkju syngur undir stjórn Jóhanns Baldvinssonar organista. Þetta er síðasta messan í Vídalínskirkju í sumar því sumarmessur verða í Garðakirkju í júní, júlí og ágúst eins og venjulega. Sumarmessur í Garðakirkju eru samstarf söfnuðanna á Álftanesi, í Garðabæ og Hafnarfirði.

YTRI-Njarðvíkurkirkja | Tónlistarmessa kl. 17. Kór Njarðvíkurkirkju syngur undir stjórn Rafns Hlíðkvist. Sr. Baldur Rafn Sigurðsson leiðir stundina.