50 ára Sveinn er fæddur og uppalinn á Sauðárkróki en er búsettur í Mosfellsbæ í dag. Hann er vélvirki frá Borgarholtsskóla og véltæknifræðingur frá HR. Hann hefur komið víða við, unnið m.a. sem vélvirki hjá Vélsmiðju Sauðárkróks og vélsmiðjunni Gils

50 ára Sveinn er fæddur og uppalinn á Sauðárkróki en er búsettur í Mosfellsbæ í dag. Hann er vélvirki frá Borgarholtsskóla og véltæknifræðingur frá HR. Hann hefur komið víða við, unnið m.a. sem vélvirki hjá Vélsmiðju Sauðárkróks og vélsmiðjunni Gils. Hann starfaði einnig sem ráðgjafarverkfræðingur á verkfræðistofum Verkís og HRV. Frá árinu 2013 hefur Sveinn starfað við nýsköpun, stofnaði m.a. fyrirtækið DTE sem tengist áliðnaði og starfaði þar til 2022. Í framhaldinu kviknaði ný spennandi hugmynd sem leiddi til stofnunar fyrirtækis sem tengist heilsu og líkamsrækt og starfar Sveinn þar í dag. Áhugamál hans eru tækni, vísindi og nýsköpun, boltaíþróttir, mótorsport, ferðalög og tónlist.


Fjölskylda Maki Sveins er Særún Brynja Níelsdóttir, f. 1975, deildarstjóri fjármála hjá Lyfjastofnun. Börn þeirra eru Rebekka Sunna, f. 2004, Arnór Ísak, f. 2007, og Alex Þór, f. 2011. Móðir Sveins er Jóhanna Sveinsdóttir, f. 1952, sjúkraliði, uppeldisfaðir er Árni Sævar Ingimundarson, f. 1952, vélvirki og rak Vélsmiðju Sauðárkróks. Þau eru hjón og búsett á Sauðárkróki. Blóðfaðir Sveins er Guðmundur Örn Ingólfsson, f. 1952, líffræðingur, búsettur í Danmörku.