Norður
♠ KDG53
♥ KG
♦ Á9
♣ 9732
Vestur
♠ Á986
♥ Á94
♦ 10
♣ G10864
Austur
♠ 4
♥ 76532
♦ D7543
♣ D5
Suður
♠ 1072
♥ D108
♦ KG862
♣ ÁK
Suður spilar 3G.
„Hverju mynduð þið spila út frá gosa-tíu-áttu-sexu?“ Þremenningarnir voru komnir á bólakaf í bandarísku landsliðskeppnina, sem sýnt er frá á LoveBridge um þessar mundir. Markmiðið er að velja lið til að spila á World Bridge Games í Buenos Aires í haust. „Maður er alveg hættur að grynna í því hvað öll þessi mót heita,“ kvartaði Gölturinn, sem taldi þó víst að hann myndi spila út gosanum frá umræddum fjórlit.
Geoff Hampson varð sagnhafi í 3G og fékk út ♣6 frá Joe Grue – fjórða hæsta. Þegar Grue komst inn á spaðaás skömmu síðar spilaði hann ♣8 til baka (faldi fjarkann), eins og hann hefði byrjað með fjórlit (♣G1086). Hampson beit á agnið og sótti hjartaásinn frekar en að svína í tígli. Einn niður.
„Æ, þetta er bara hittingur.“ Gölturinn var óvenju skilningsríkur: „Austur gat átt hjartaásinn og vestur tíguldrottningu.“