Aðgerðir Brunnbáturinn góði, Ronja Strand, við bryggjuna á Tálknafirði.
Aðgerðir Brunnbáturinn góði, Ronja Strand, við bryggjuna á Tálknafirði. — Morgunblaðið/Guðlaugur Albertsson
Norskur brunnbátur, Ronja Strand, er nú á Tálknafirði og er þar notaður við aflúsun á laxi. Um borð í bátnum eru tæki þar sem heitur sjór rennur í gegn og þannig er laxinn hreinsaður af lús sem getur verið mjög hvimleið

Sigurður Bogi Sævarsson

sbs@mbl.is

Norskur brunnbátur, Ronja Strand, er nú á Tálknafirði og er þar notaður við aflúsun á laxi. Um borð í bátnum eru tæki þar sem heitur sjór rennur í gegn og þannig er laxinn hreinsaður af lús sem getur verið mjög hvimleið. Á föstudaginn var verið að hreinsa fisk í kvíum Arctic Fish en áhöfnin mun einnig vinna fyrir Arnarlax sem sömuleiðis er með eldi vestra. Fyrir ýmsu þarf að hugsa í fiskeldinu sem nú er orðin mikilvæg stoð í atvinnulífi vestra.

„Í rauninni má segja að núna sé fiskurinn settur í bað. Þetta eru mjög mikilvægar fyrirbyggjandi aðgerðir svo lúsin í laxinum nái sér ekki á strik. Hér förum við mjög umhverfisvænar leiðir og notum engin lyf við hreinsunina. Nú er fiskurinn hér í firðinum í vaxtarferli, fer í slátrun á haustmánuðum, þá orðinn um það bil fimm kíló,“ segir Egill Ólafsson, rekstrarstjóri Arctic Fish á Tálknafirði, í samtali við Morgunblaðið. sbs@mbl.is

Höf.: Sigurður Bogi Sævarsson