Norður
♠ ÁK2
♥ ÁD1064
♦ K3
♣ G73
Vestur
♠ G8754
♥ 82
♦ DG76
♣ 96
Austur
♠ 103
♥ KG973
♦ 84
♣ 8542
Suður
♠ D96
♥ 6
♦ Á10952
♣ ÁKD10
Suður spilar 6♣.
„Moyse hefði verið stoltur af samlöndum sínum.“ Óskar ugla rak augun í fallega slemmu á 4-3 fitt, sem John Hurd (suður) og Kevin Bathurst (norður) sögðu í úrslitaleik bandarísku landsliðskeppninnar. Sagnir voru blátt áfram: opnun á 1♥ í norður, svar á 2♦ í suður (geimkrafa), svo 2G-3G-4G og 6♣. Hækkun norðurs í 4G var „stofnauki“ – áskorun í slemmu með ósagðan styrk.
Samningar á 4-3 samlegu heita Moysian fit í ensku bridsmáli til heiðurs Alphonse Moyse (1897-1973), sem var ritstjóri The Bridge World um tíma. Moyse skrifaði langar ritgerðir um 4-3 fitt og hvernig best væri að athafna sig í svo viðkvæmum samningum. Hann hefði ekki þurft að hafa mörg orð um þetta spil, því laufslemman vinnst auðveldlega með því að trompa 1-2 tígla i blindum (austur má yfirtrompa). Sex grönd fóru niður á hinu borðinu.