Varmahlíð Svona kemur nýr leikskóli til með að líta út.
Varmahlíð Svona kemur nýr leikskóli til með að líta út.
Nemandi Ísak Frosti tók fyrstu skóflustungu með aðstoð Steinunnar Arnljótsdóttur leikskólastjóra.
[ Smellið til að sjá stærri mynd ]
Fyrsta skóflustungan var tekin í vikunni fyrir nýjum leikskóla í Varmahlíð í Skagafirði. Skólinn, sem kemur milli Miðgarðs og Varmahlíðarskóla, verður 550 fermetrar að stærð og mun hann rúma 65 börn úr héraðinu

Fyrsta skóflustungan var tekin í vikunni fyrir nýjum leikskóla í Varmahlíð í Skagafirði. Skólinn, sem kemur milli Miðgarðs og Varmahlíðarskóla, verður 550 fermetrar að stærð og mun hann rúma 65 börn úr héraðinu.

Í kjölfar skóflustungunnar hófust framkvæmdir og er áætlað að leikskólinn verði tekinn í notkun haustið 2025. Fyrsti áfangi er snýr að ytra byrði og að reisa húsið er í höndum Uppsteypu ehf. en stefnt er á að bjóða út frágang innandyra á haustmánuðum, segir í tilkynningu frá sveitarfélaginu Skagafirði.

Öll hönnun byggingarinnar miðast við að hægt verði að stækka hana í komandi framtíð. Einnig er tenging skólans við Varmahlíðarskóla sögð bjóða upp á margvíslega samvinnu þessara tveggja skólastiga. Leikskóli tók fyrst til starfa í Varmahlíð haustið 1982, fyrir tilstuðlan foreldra í héraðinu, sagði Einar Einarsson formaður byggðaráðs m.a. við athöfnina.