Norður
♠ G8762
♥ ÁG52
♦ D982
♣ –
Vestur
♠ KD1094
♥ 96
♦ 6
♣ ÁD654
Austur
♠ Á53
♥ K743
♦ 74
♣ K832
Suður
♠ –
♥ D108
♦ ÁKG1053
♣ G1097
Suður spilar 6♦ doblaða.
„Maðurinn er alveg æfingarlaus.“ Óskar ugla getur verði fjandi kaldhæðinn. Eric Rodwell hvarf af sjónarsviðinu í kóvíd-faraldrinum, vildi ekki láta bólusetja sig og var dæmdur úr leik í helstu mótum. Nú hefur verið slakað á reglunum og Rodwell er farinn að sjást aftur við bandarísk spilaborð, síðast í landsliðskeppninni fyrir stuttu.
Austur (Doug Simson) opnaði á Precision-tígli, suður (Chip Martel) hindraði í 3♦, vestur (Rodwell) sagði 3♠ og norður (Marty Fleisher) stökk í 5♦. Rodwell doblaði 5♦ og Simson gerði vel í því að breyta í 5♠. En Fleisher var ekki af baki dottinn, þóttist sjá að makker væri með eyðu í spaða og skaut á 6♦ til vinnings. Dobl, spaðakóngur út og tólf slagir. Aðeins tígull út hnekkir slemmunni.
Rodwell veit auðvitað betur – að best er að trompa út þegar vörnin hefur yfirhöndina í styrk. En eins og Óskar segir ...