Norður ♠ 1095 ♥ 5432 ♦ G96 ♣ 1087 Vestur ♠ ÁKD ♥ DG9 ♦ 10732 ♣ 654 Austur ♠ G6432 ♥ – ♦ K854 ♣ G932 Suður ♠ 87 ♥ ÁK10876 ♦ ÁD ♣ ÁKD Suður spilar 4♥

Norður

♠ 1095

♥ 5432

♦ G96

♣ 1087

Vestur

♠ ÁKD

♥ DG9

♦ 10732

♣ 654

Austur

♠ G6432

♥ –

♦ K854

♣ G932

Suður

♠ 87

♥ ÁK10876

♦ ÁD

♣ ÁKD

Suður spilar 4♥.

Gölturinn var í upphöfnu skapi: „Hættulegustu mistökin í brids – og svo sem í lífinu sjálfu, ef út í það er farið – eru þau að sjá ekki vandann fyrr en of seint. Að fljóta sofandi að feigðarósi.“ Suður spilar 4♥ eftir opnun á alkröfu og litlar undirteknir norðurs. Útspilið er spaðaás.

„Og nú bið ég ykkur, kæru vinir, að setja ykkur í spor vesturs. Blindur er meinleysið uppmálað og fátt virðist eðlilegra en að þruma út þremur efstu í spaða og bíða svo í makindum eftir komandi góðgjörðum. En sú værð vissunnar er ávísun á mikil vandræði.“

Þau vandræði sem Gölturinn hefur í huga eru þessi: Suður trompar þriðja spaðann og leggur niður hjartaás. Eftir að hafa bölvað legunni í stutta stund sér sagnhafi skemmtilega vinningsleið: Hann tekur á hjartakóng og ♣ÁKD. Spilar svo hjarta. „Og vestur vaknar upp með andfælum.“