Norður
♠ ÁK72
♥ ÁK5
♦ 5
♣ ÁD1054
Vestur
♠ G54
♥ 98762
♦ Á1094
♣ 3
Austur
♠ D1093
♥ –
♦ K8762
♣ G987
Suður
♠ 86
♥ DG1043
♦ DG3
♣ K62
Suður spilar 6♥.
Vestur spilar út tígulás og meiri tígli gegn hjartaslemmu suðurs. Sagnhafi trompar í borði (blessunarlega smátt), leggur niður hjartaás og austur hendir tígli. Það er nefnilega það.
Tromplegan sem slík er ekki banvæn en setur smá strik í laufreikninginn. Nú er ekki lengur hægt að fría fimmta laufið með trompun ef gosinn er fjórði úti. Alla vega. Sagnhafi tekur á hjartakóng og veltir fyrir sér næsta leik. Er eitthvert vit í því að byrja á laufás áður en laufi er spilað heim á kóng? Ja, það væri sniðugt ef vestur ætti gosann fjórða. En er það líklegt?
Nei. Hitt er mun sennilegra að austur sé með lengd í laufi. Eigi austur á tígulkóng með laufvaldinu lendir hann einfaldri þvingun í lokin svo framarlega sem sagnhafi „man eftir“ að taka ♠ÁK áður hann fer heim á laufkóng!
En það er auðvelt að gleyma því.