Það er þekkt að stundum verða harðindin svo mikil að hvaðeina flokkast sem nýtileg tugga. Það sannaðist á Hunter Biden. Sá á ókræsilegan feril eftir að hafa sinnt braski, heima sem heiman, í skjóli föður síns Joes.
Biden eldri hefur sagt að gáfaðri og klárari manni en Hunter hafi hann aldrei kynnst á sínum langa ferli og hefur þó Biden eldri gegnt embætti forseta Bandaríkjanna, varaforseta þeirra og að auki verið í tugi ára þingmaður í öldungadeild þingsins og því hitt marga.
Fróðlegt er að sjá að pólitískir skríbentar demókrata tóku þann pól í hæðina að draga þá ályktun að sakfelling Hunters sýndi að ástæðulaust væri að telja að atlagan að Trump hefði verið af pólitískum toga. Þetta var vandræðaleg útlistun.
Dómsmálaráðuneyti Bandaríkjanna, sem fullyrt var vestra að myndi aldrei hafa leyft sér að standa fyrir fjölda mála gegn fyrrverandi forseta Bandaríkjanna, sem hefur forystu í kapphlaupi um forsetaembættið nú, fer mikinn.
Blásið var til fjölda mála gegn Trump í mörgum ríkjum, en þau hafa kollsiglt sig eitt af öðru. Aðeins eitt mál stendur í raun eftir og var höfðað í New York. Flestum lögspekingum ber saman um að það mál sé það innantómasta af öllum skaranum og formsatriði að áfrýja því.
Til baka
Leita í greinasafni
Prenta grein