Hamas-hryðjuverkasamtökin og talnalygin

Hryðjuverkasamtökin Hamas hafa ráðið yfir Gasasvæðinu í tæp 20 ár. Í kjölfar kosninga á meðal Palestínuaraba 2006 hrifsuðu Hamas til sín öll völd á Gasa og Fatah-samtökin tóku völdin á vesturbakka árinnar Jórdan. Þar með var búið að skipta palestínuaröbum í tvennt; Hamas-hlutann og Fatah-hlutann. Í framhaldinu fylgdi blóðug borgarastyrjöld milli Hamas og Fatah. Hamasliðar annaðhvort drápu alla þá sem tilheyrðu Fatah eða ráku þá af Gasasvæðinu. Ísraelar höfðu haustið 2005 yfirgefið Gasa og flutt alla Ísraela sem þar bjuggu burt. Gasasvæðið hefur því í reynd verið hersetið síðustu 20 árin af hryðjuverkasveitum Hamas. Síðan 2006 hafa engar kosningar farið fram á Gasa heldur hafa Hamas-liðar hangið á sínum völdum eins og óðir hundar á roði. Þeir hafa haldið öllum íbúum á Gasa í fangelsi, haldið íbúum í heljargreipum ótta og ofbeldis og drepið alla þá sem hafa sýnt minnstu merki þess að aðhyllast þá ekki. Milli ofbeldisverka gegn almennum íbúum Gasa hafa þeir leikið sér að því að skjóta eldflaugum á Ísrael frá húsaþökum barnaskóla, leikskóla og sjúkrahúsa á Gasa.

Að búa á fimm stjörnu hótelum

Leiðtogar Hamas, þeir Ismail Haniyeh, Moussa Abu Marzuk og Khaled Mashal, búa ekki í þessu heimagerða fangelsi Hamas. Þeir búa á fimm stjörnu hótelum í Katar og Tyrklandi ásamt fjölskyldum. Þar lifa þeir lúxuslífi og ferðast um á einkaþotum og glæsivögnum. Auðæfi þeirra eru ævintýraleg, meiri en 1.500 milljarðar króna, sem samsvarar sjö nýjum Landspítölum á meðan venjuleg fjölskylda á Gasa hefur varla efni á að kaupa brauð. Peningunum hafa þeir stolið af styrkjum sem komið hafa frá hinum ýmsu stofnunum Sameinuðu þjóðanna, frá Bandaríkjunum, frá Evrópusambandinu og einstökum vestrænum ríkjum. Þessir herramenn taka síðan toll af öllum vörum sem koma inn á Gasa.

Viðbjóðslegasta hryðjuverkaárás síðustu ára

Hinn 7. október í fyrra réðust hryðjuverkasamtökin Hamas inn í Ísrael og gengust þar með fyrir viðbjóðslegasta hryðjuverki sem framið hefur verið í heiminum hin síðari ár. Óðir hundar Hamas drápu allt sem varð á vegi þeirra, raðnauðguðu konum og stúlkum og steiktu kornabörn í bakarofnum. Til viðbótar rændu þeir fólki og fluttu til Gasa allt frá sex mánaða börnum upp í 95 ára konur. Fjöldi nýbúa á Íslandi sem eru frá Palestínu fagnaði þessari hryðjuverkaárás ógurlega ásamt öðrum vinum Hamas hér á landi.

Falsaðar tölur um mannfall á Gasa

Auðvitað svöruðu Ísraelsmenn þessari villimannslegu árás af krafti þótt Ísrael sé eina landið í heiminum sem ekki má verja sig, að mati sumra. Daglega hafa komið tölur um mannfall á Gasa og alltaf látið fylgja með að hinir látnu séu konur og börn sem er afskaplega skrýtið þar sem hlutfall karla og kvenna á Gasa er nánast jafnt, karlar 1,03 á móti 1,0 af konum. Heimildin fyrir tölunum er nú ekki sú gáfulegasta því tölurnar koma frá einhverju sem heitir „heilbrigðisráðuneyti Hamas“, það er að segja beint frá hryðjuverkasamtökunum Hamas. Þessar tölur taka sumir sem eru illa áttaðir og illa tengdir sem hinn heilaga sannleika þótt hvert mannsbarn sem lært hefur reikning á fyrstu árum sínum í barnaskóla sjái að þær standast ekki skoðun.

Upp úr miðjum mars síðastliðnum fóru að koma fram opinberlega efasemdir um trúverðugleika þessara talna og þegar þær voru skoðaðar nánar þá var augljóst að þær eru tóm lygi, tilbúnar tölur í excel-skjali. Tölfræðiprófessor við Pennsylvaníuháskóla vakti máls á þessari lygi. Lærður frá Yale-háskólanum og doktor frá Stanford-háskóla. Þegar rýnt er í tölurnar er nánast allt við þær þvættingur og lygi enda standast þær enga skoðun. Fleiri aðilar hafa komist að sömu niðurstöðu, m.a. undirstofnun Sameinuðu þjóðanna. Áætlað er að tölurnar frá Hamas séu allt að 40% hærri en er í reynd og samsetning þeirra allt önnur en upp er gefið.

Að falsa tölur um hina látnu er alger vanvirðing við þá sem raunverulega hafa fallið. Hryðjuverkasamtökin Hamas ásamt Íran skipulögðu þessi átök á Gasa og hófu þau með viðbjóðslegri hryðjuverkaárás. Hamas-liðar fela sig nú undir pilsfaldi kvenna á Gasa, á bak við barnavagna í sjúkrahúsum, skólum, leikskólum og moskum í miðju íbúðahverfa. Öll þessi átök voru skipulögð á þann veg að almennir borgarar myndu þjást sem allra allra mest.

Þáttur RÚV

Eitt er öskrandi áberandi. RÚV stendur með sínum mönnum, Hamas, hvað sem tautar og raular, og fjallar ekkert um þessa talnalygi né aðra lygi sem kemur úr ranni Hamas. Tekur allt hrátt sem frá Hamas kemur og flytur sem fréttir. Virðist fréttastofa RÚV haldin einhvers konar þráhyggju í garð Ísraels og Ísraelsmanna og virðist þessi þráhyggja greypt inn í menninguna hjá RÚV. RÚV sækir sínar fréttir um átökin á Gasa frá einni heimild, Al Jazeera, sjónvarpsstöð í eigu Katar þar sem leiðtogar hryðjuverkasveita Hamas hafa falið sig til margra ára. Traustvekjandi, neeei. Reyndar notar RÚV eina heimild í viðbót, Félagið Ísland-Palestínu, sem er náttúrlega alveg hlutlaus aðili eins og allir vita en haldið sömu eilífðarþráhyggju og RÚV, enda starfar RÚV eins og fjölmiðladeild þessa félags á kostnað almennings.