Norður
♠ 876
♥ DG5
♦ ÁKG96
♣ 32
Vestur
♠ ÁK43
♥ 64
♦ 875
♣ G1054
Austur
♠ G102
♥ 74
♦ 1042
♣ ÁD986
Suður
♠ D95
♥ ÁK10932
♦ D3
♣ K7
Suður spilar 4♥.
„Þið notið nútíma köll – upside down signals, eins og sagt er vestanhafs – hátt er frávísun og ójöfn tala spila.“ Gölturinn hafði komist yfir bunka af gömlum tímaritum The Bridge World og rekist þar á spilið að ofan, sem sett var upp í þrautarformi með austur í heita pottinum. Vestur kemur út með spaðaás gegn 4♥ og spurt er: Hvaða spil á austur að setja undir ásinn?
Gosinn er rétta spilið út frá reglunum, en það spil hefur þá óheppilegu aukaverkun að gefa samninginn. Um þessa stöðu sagði Jón Baldursson forðum daga: „Maður setur gosann og vonar það besta. Aldrei að ljúga að makker – þá glatast traustið.“
Spekingarnir í TBW vilja láta tvistinn í þeirri von að makker leysi vandann. „En mér er spurn,“ segir Gölturinn og er nokkuð niðri fyrir: „Hvernig í fjandanum á hann að gera það?“