Norður
♠ K32
♥ 54
♦ ÁG10976
♣ 65
Vestur
♠ G95
♥ 62
♦ D832
♣ DG108
Austur
♠ D764
♥ K9873
♦ 4
♣ 942
Suður
♠ Á108
♥ ÁDG10
♦ K5
♣ ÁK73
Suður spilar 6G.
Ertu meistari eða meðalskussi? ávarpar Eddie Kantar lesanda sinn og leggur fram próf til að greina þar á milli: 6G með laufdrottningu út.
Meðalskussinn fer beint af augum í líflitinn: Tekur á tígulkóng í slag tvö og svínar gosanum. Slemman er þá unnin ef drottningin skilar sér, önnur eða þriðja. Ef ekki, verður að svína í hjarta í von um kóng annan eða hálitaþvingun, því blindur á aðeins spaðakónginn eftir sem innkomu. Ekki alvond áætlun, segir Kantar, en dugir ekki í þessari legu.
Meistarinn spilar tígli á gosann í öðrum slag! Ef austur drepur má síðar yfirtaka tígulkóng og svína tvisvar í hjarta. Ef tígulgosinn heldur slag (eins og hér) notar meistarinn tækifærið og svínar í hjarta. Yfirdrepur síðan tígulkóng, sækir tíguldrottningu og kemst inn á spaðakóng til að taka frítíglana og svína aftur í hjarta.