Ueda Kazuo, seðlabankastjóri Japans, segir bankann ætla að draga úr skuldabréfakaupum sínum frá og með næsta mánuði. Þá stefnir bankinn að því að minnka smám saman eignasafn sitt sem í dag er metið á jafnvirði 5.000 milljarða dala, og útilokar Ueda ekki að stýrivextir kunni að hækka í júlí. Lágir stýrivextir í Japan eru taldir eiga sinn þátt í að japanska jenið hefur gefið eftir að undanförnu, m.a. með tilheyrandi áhrifum á verð innfluttrar neytendavöru.
Peningastefnunefnd Japansbanka hittist átta sinnum á ári og ákvað á síðasta fundi sínum að halda stýrivöxtum óbreyttum á bilinu 0 til 0,1% og einnig að halda skuldabréfakaupum óbreyttum en bankinn kaupir í mánuði hverjum skuldabréf fyrir um 6.000 milljarða jena, jafnvirði um það bil 38 milljarða dala. ai@mbl.is