Víkingur, Valur, Breiðablik og Stjarnan komast að því í dag hverjir mótherjar þeirra verða í fyrstu umferð í undankeppnum Evrópumóta karla í fótbolta. Víkingar eru í neðri styrkleikaflokki í fyrstu umferð Meistaradeildarinnar og mæta einu af…

Víkingur, Valur, Breiðablik og Stjarnan komast að því í dag hverjir mótherjar þeirra verða í fyrstu umferð í undankeppnum Evrópumóta karla í fótbolta.

Víkingar eru í neðri styrkleikaflokki í fyrstu umferð Meistaradeildarinnar og mæta einu af eftirtöldum fimm liðum:

 HJK Helsinki, Finnlandi

 Flora Tallinn, Eistlandi

 KÍ Klaksvík, Færeyjum

 Shamrock Rovers, Írlandi

 RFS Riga, Lettlandi

Í fyrra féllu Víkingar út í 1. umferð Sambandsdeildar gegn Riga frá Lettlandi. RFS Riga er efst þar í landi núna þegar tímabilið er hálfnað, fimm stigum fyrir ofan granna sína í Riga.

KÍ Klaksvík náði frábærum árangri í fyrra þegar liðið komst fyrst færeyskra liða í riðlakeppni Sambandsdeildar og krækti þar í fjögur stig. KÍ gengur ekki eins vel heima og í fyrra og er sex stigum á eftir Víkingi Götu og HB þegar deildin er hálfnuð.

Shamrock Rovers tapaði tvívegis fyrir Breiðabliki í 1. umferð keppninnar í fyrra en Blikar unnu 1:0 í Dublin og 2:1 á Kópavogsvelli. Shamrock er í þriðja sæti á Írlandi þegar deildin þar er rúmlega hálfnuð.

HJK fór í riðlakeppni

HJK er í þriðja sæti í Finnlandi, tveimur stigum frá toppnum, þegar deildin þar er hálfnuð. HJK komst í riðlakeppni Sambandsdeildar í fyrra og fékk tvö stig með tveimur jafnteflum gegn Aberdeen frá Skotlandi.

Flora Tallinn er í öðru sæti í Eistlandi þegar deildin er ríflega hálfnuð, tíu stigum á eftir Levadia. KR tapaði naumlega fyrir Flora, 2:1, á útivelli árið 2020 þegar aðeins var leikinn einn leikur.

Í Sambandsdeildinni er Breiðablik í efri styrkleikaflokki eftir góðan árangur undanfarin ár. Blikar mæta einu af þessum fimm liðum þar sem Írarnir í Shelbourne gætu verið erfiðastir en þeir eru á toppnum á Írlandi í dag:

 Floriana, Möltu

 Shelbourne, Írlandi

 Atlétic Club Escaldes, Andorra

 Tikvesh, Norður-Makedóníu

 Caernarfon Town, Wales

Valur er í neðri styrkleikaflokki og mætir einu af þessum liðum:

 KuPS Kuopio, Finnlandi

 B36 Þórshöfn, Færeyjum

 Levadia Tallinn, Eistlandi

 Connah’s Quay, Wales

 Vllaznia, Albaníu

Tvö lið í toppsætum

Levadia og KuPS eru efst í sínum deildum, Vllaznia gæti verið erfiðasti mótherjinn en Connah’s Quay er þekkt stærð eftir að hafa tapað 2:0 og 2:0 fyrir KA í fyrra.

Stjarnan er í neðri styrkleikaflokki og mætir einu af þessum liðum:

 Zalgiris, Litáen

 Linfield, Norður-Írlandi

 Paide Linnameeskond, Eistl.

 Liepaja, Lettlandi

 Derry City, Írlandi

Zalgiris og Derry City eru líklega sterkust af þessum liðum en Liepaja er í fallbaráttu í Lettlandi.