Grísk stjórnvöld gagnrýndu í gær frétt breska ríkisútvarpsins, BBC, þar sem strandgæslan í Grikklandi var sökuð um að hafa valdið dauða tuga flóttamanna sem hafa ferðast yfir Miðjarðarhafið. Þá neituðu Grikkir einnig ásökunum BBC um að þeir hefðu brotið gegn alþjóðalögum.
Í frétt BBC segir að 43 flóttamenn hafi farist í Eyjahafi eftir að hafa verið vísað frá af grísku strandgæslunni á tímabilinu frá maí 2020 til maí 2023. Pavlos Marinakis, talsmaður grísku ríkisstjórnarinnar, þvertók fyrir þessar fullyrðingar og sagði að þær hefðu á engan hátt hafa verið sannaðar.
Talsmenn BBC segja mikla rannsóknarvinnu standa ásökunum sínum að baki, svo sem upplýsingar frá grískum fjölmiðlum og félagasamtökum, svo og viðtöl við sjónarvotta.