Leikkonan Anouk Aimee er látin

Franska leikkonan Anouk Aimee lést í gærmorgun, 92 ára. Í frétt AFP er Aimee sögð hafa hneppt heila kynslóð kvikmyndaunnenda í álög með myndinni A Man and A Woman (1966) eftir leikstjórann Claude Lelouch. Fyrir frammistöðuna hlaut hún Óskarstilnefningu og verðlaun á Golden Globe-hátíðinni. Þá vakti hún einnig athygli fyrir hlutverk sín í myndunum La Dolce Vita og 8 1/2 eft­ir Federico Fell­ini og Lola eftir Jacques Demy sem allar komu út í byrj­un sjö­unda ára­tug­ar­ins.