Norður
♠ 832
♥ DG64
♦ K105
♣ 864
Vestur
♠ G9
♥ 8532
♦ D7
♣ ÁKG52
Austur
♠ D10754
♥ –
♦ 98432
♣ 1097
Suður
♠ ÁK6
♥ ÁK1097
♦ ÁG6
♣ D3
Suður spilar 4♥.
Vestur þrumar út ás-kóng og gosa í laufi og suður trompar. Sagnhafi lítur yfir sviðið og sér fljótt örugga leið til að komast hjá ágiskun í tígli: Taka tromp tvisvar eða þrisvar eftir þörfum, spila svo ♠ÁK og þriðja spaðanum. Vörnin þarf þá að spila í tvöfalda eyðu eða finna tíguldrottninguna. Skólabókardæmi.
Suður er í þann mund að leggja upp þegar það rifjast upp fyrir honum að fjögur-núll-lega er þrátt fyrir allt 10 prósent. Hann tekur því á hjartaásinn í könnunarskyni. Og viti menn – austur hendir spaða. Þar fór innkastið í vaskinn.
Ekki endilega. Það dugir að taka þrisvar tromp og spila svo ♠ÁK og spaða. Eina hættan er sú að vestur sé með einspil í spaða og trompi annan hákarlinn. Ekki alveg útilokað, en austur opnaði ekki á 2♠ og á varla sexlit.