Fjórir flautukvartettar eftir W.A. Mozart verða fluttir í menningarhúsinu Bergi í dag, 27. júní, kl. 20, og í Skjólbrekku í Mývatnssveit á föstudag, 28. júní, einnig kl. 20. Þrjá konsertanna samdi tónskáldið í Mannheim veturinn 1777-78 og þann fjórða áratug síðar. „Mannheim-verkin samdi hann eftir pöntun fyrir áhugamannakvartett og eru þeir ekki eins margslungnir og mörg önnur verk hans, en engu að síður yndisleg, hljómmikil, glettin tónverk og krefjandi fyrir öll hljóðfærin,“ segir í tilkynningu. Um flutning verkanna sjá þau Freyr Sigurjónsson flautuleikari, Hlíf Sigurjónsdóttir fiðluleikari, Martin Frewer víóluleikari og Þórdís Gerður Jónsdóttir sellóleikari.