Misjafnt gengi. A-AV
Norður♠ 85 ♥ 753 ♦ DG10 ♣ Á9732 |
||
---|---|---|
Vestur♠ KD ♥KDG1042 ♦ – ♣ KG1086 |
Austur♠ Á4 ♥ 96 ♦9876543 ♣ 54 |
|
Suður♠ G1097632 ♥ Á8 ♦ ÁK2 ♣ D |
Suður spilar 4♠.
Eftir pass í austur opnar suður á 1♠ og vestur segir 2♠ (Michaels) til að lýsa yfir hjarta og láglit. Þannig byrjuðu sagnir á flestum borðum í þessu spili Evrópumótsins. Hvað svo gerðist fór eftir kerfi og stíl, en yfirleitt endaði baráttan í 4♠, oft dobluðum. Sá samningur vannst 11 sinnum og fór jafnoft niður. Hjartakóngur út.
Víða drap sagnhafi strax á hjartaás og fór inn í borð á lauf til að spila trompi þaðan. Nú þarf vörnin að vera hnitmiðuð: Austur verður að dúkka og síðan að trompa þriðja hjartað með ás! Þannig fást þrír slagir á tromp og einn á hjarta.
Þar sem vörnin brást gerðist eitt af þrennu: (1) austur stakk upp spaðaás, (2) vestur „faldi” spaðadrottninguna með því að drepa á spaðakóng, (3) austur „gleymdi” að trompa þriðja hjartað með ásnum.