Seinni umferð þingkosninganna í Frakklandi verður haldin á sunnudag. Eftir stórsigur Þjóðfylkingar Marine Le Pen í fyrri umferð hafa hinir flokkarnir myndað saman bandalag gegn Þjóðfylkingunni.
Yfir 200 frambjóðendur úr öðrum flokkum hafa því dregið framboð sín til baka svo að einvígi verði í flestum kjördæmum gegn frambjóðendum Þjóðfylkingarinnar.
Af 577 þingsætum tryggðu 76 sér sitt þingsæti í fyrri umferð. Það er því 501 þingsæti í boði. Í 408 kjördæmum verður einvígi, í 90 kjördæmum eru þrír í framboði og 24 kjördæmum verða fjórir í framboði.