Gleypisvíning. A-Allir
Norður
♠ ÁK73
♥ ÁD98
♦ D6
♣ D94
Vestur
♠ 42
♥ K10743
♦ 107
♣ 7632
Austur
♠ 10986
♥ 652
♦ KG4
♣ G108
Suður
♠ DG5
♥ G
♦ Á98532
♣ ÁK5
Gleypisvíning. A-Allir
Suður spilar 6♦.
„Efnislega,” sagði Magnús mörgæs og skar vínarbrauðslengjuna í ræmur. „Efnislega virðist þetta vera spurning um kóng annan eða þriðja réttan í trompi.”
Slemma var víða sögð í þessu spili Evrópumótsins og fór yfirleitt einn niður, enda tígullegan ekki „efnislega” eftir bókinni. Tveir sagnhafar unnu þó 6♦ og var annar þeirra Sigurbjörn Haraldsson í viðureign við Hollendinga. Bessi fékk út lauf, sem hann tók heima og spilaði ♦8 að drottningu í blindum. Þegar vestur fylgdi átakalaust með ♦7 taldi Bessi ólíklegt að hann ætti kónginn og skipti yfir í gleypisvíningu – setti lítið úr borði og austur fékk á gosann. Síðar meir lét Bessi ♦D svífa fram hjá kóngnum og gleypti ♦10 vesturs í leiðinni.
„Glæsilega gert,” sagði Gölturinn og gleypti þrjár vínarbrauðsræmur í einum bita: „Þetta eru efnislega dálítið þunnar ræmur, Magnús minn.”