Lélegar málsbætur. A-NS
Norður♠ K ♥ ÁDG83 ♦ 92 ♣ KG876 |
||
---|---|---|
Vestur♠ DG1096 ♥ 5 ♦ G10754 ♣ Á9 |
Austur♠ 8743 ♥ 109762 ♦ Á63 ♣ 10 |
|
Suður♠ Á52 ♥ K4 ♦ KD8 ♣ D5432 |
Suður spilar 5♣.
Ekki er að sjá að það þurfi einhverja sérstaka galdravörn til að hnekkja 5♣: Vestur kemur út með einspilið í hjarta, drepur svo strax á laufás, spilar makker sínum inn á tígulás og fær stungu. Getur ekki einfaldara verið. Eða hvað?
Ja, þetta er fjórhentu borði. Á tvíhentu borði er þetta ekki svona blátt áfram, því auðvitað gæti vestur reynt að koma makker sínum inn á spaðaás, rétt eins og tígulás. Það gerðist í fjölmörgum leikjum Evrópumótsins. Málsbætur voru þær að vestur hafði sagt spaða og fengið litinn studdan.
Norðmennirnir Helgemo og Grude leystu málið á rökréttan hátt og hafði austur þó stutt spaðann rækilega: Sagnhafi drap hjartaútspilið í borði og Helgemo í austur lét tvistinn í slaginn – meint og skilið sem hliðarkall í tígli.