Norður ♠ ÁKD2 ♥ 95 ♦ ÁKD1094 ♣ 5 Vestur ♠ 76 ♥ 104 ♦ G52 ♣ ÁD10643 Austur ♠ 10954 ♥ ÁKD63 ♦ 85 ♣ K8 Suður ♠ G83 ♥ G872 ♦ 73 ♣ G972 Suður spilar 3G

Norður

♠ ÁKD2

♥ 95

♦ ÁKD1094

♣ 5

Vestur

♠ 76

♥ 104

♦ G52

♣ ÁD10643

Austur

♠ 10954

♥ ÁKD63

♦ 85

♣ K8

Suður

♠ G83

♥ G872

♦ 73

♣ G972

Suður spilar 3G.

„Alltaf níu slagir í grandi.“ Magnús mörgæs er háttvís maður og dagfarsprúður, en hann hefur einn veikleika – aulabrandara. Þrjú grönd voru sögð út um víðan völl í þessu spili Evrópumótsins og yfirleitt byrjaði vörnin á því að taka níu fyrstu slagina, þrjá á hjarta og sex á lauf.

Færeyingarnir Danjal Pauli Mohr og Arni Dam voru í þriggja granda hópnum. Dam opnaði á 2♦, sem er afbrigði af multi og sýnir annaðhvort veika tvo í hálit eða sterk spil með tígul. Mohr sagði 2♥ leitandi á móti og Dam stökk í 3♠ til að sýna sterk spil í tígli með fjórlit í spaða til hliðar. Athyglisverð sagnvenja, en dýrkeypt í þetta sinn. Hinum megin opnaði Birkir Jón Jónsson á 1♦ í norður og austur kom inn á 1♥. Eftir pass í suður og vestur doblaði Birkir og sagði svo rólega 2♦ við grandsvari Aðalsteins Jörgensens. Allir pass og tíu slagir.