Ingveldur Halldóra Benediktsen Húbertsdóttir, Inga Dóra, fæddist 28. október 1928. Hún lést 14. júní 2024. Útför Ingveldar fór fram í kyrrþey.
Amma mín.
Lillableikt á rúmum með bólstruðum göflum.
Buxnapressa og ísferðir með afa Nóa.
Piri-piri, snitsel og steiktar kartöflur.
Ilmandi lófar og hreinsuð lambabein.
Sinfónía og Þjóðleikhús með brjóstsykur í poka.
Framandi gersemar og nammi úr ferðatösku.
Sérrífrómas og draumterta – og sér fyrir mig.
Staðföst tvö sem sátu hjá í bergingunni.
Ís í boxi með heitri sósu og franskar með kryddi.
Harmonikuhurðir á Neshaganum.
Ástarbréf í leyni brennd og fílahjörð í stofu.
Sækja Tobbu á Freyjugötu, meiri ís og kisa.
Smjörlíkisstykki ófá sem kölluðu á nýjar höldur.
Kristalskálar, karöflur og súkkulaði úr silfri.
Peningabaukur við heimaskífusímann.
Síðasta rós sumarsins, þú varst amma mín.
Húbert Nói.