Norður ♠ 108765 ♥ G975 ♦ 83 ♣ 106 Vestur ♠ D942 ♥ D10 ♦ K1062 ♣ 842 Austur ♠ ÁK3 ♥ K82 ♦ ÁG954 ♣ 95 Suður ♠ G ♥ Á643 ♦ D7 ♣ ÁKDG73 Suður spilar 3G

Norður

♠ 108765

♥ G975

♦ 83

♣ 106

Vestur

♠ D942

♥ D10

♦ K1062

♣ 842

Austur

♠ ÁK3

♥ K82

♦ ÁG954

♣ 95

Suður

♠ G

♥ Á643

♦ D7

♣ ÁKDG73

Suður spilar 3G.

„Allar nýjungar eru vondar meðan þær eru nýjar.“ Óskar ugla var að reyna að koma orðum að því að kerfisbreytingar gangi sjaldnast snurðulaust fyrir sig. Tilefnið var spil frá úrslitaleik Spingold. Á báðum borðum opnaði austur á sterku grandi og suður doblaði.

Liðsforingjarnir Paul Street og Nikolaos Delimpaltadakis sátu með hundana í norður. „Deli“ sagði 2♠ og makker hans Vasileios Vroustis breytti í 3♣. Allir pass og 9 slagir með góðri ágiskun í hjarta (lítið að blindum, drottning upp og síðar meir gosinn út til að gleypa tíuna).

Hinum megin yfirfærði Street í spaða með 2♥. Kerfisnýjung, sem Street og Nicolas L'Ecuyer höfðu sammælst um að nota. En framhaldið var greinilega ekki rætt í þaula, því Street breytti 3♣ L'Ecuyer í 3♠. Reiknaði með að 3♣ væri geimtilraun með spaðasamþykkt. L'Ecuyer hrökklaðist í 3G og fór þar fjóra niður.