Forsmark-kjarnorkuverið í Svíþjóð.
Forsmark-kjarnorkuverið í Svíþjóð.
Sænsk stjórnvöld tilkynntu í vikunni að gerður hefði verið samstarfssamningur við Bandaríkin um þróun nýrrar tækni í kjarnorkuverum í báðum löndum. Munu ríkin tvö skiptast á upplýsingum um mál sem tengjast stefnumörkun, rannsóknum og framþróun í framleiðslu rafmagns með kjarnorku

Sænsk stjórnvöld tilkynntu í vikunni að gerður hefði verið samstarfssamningur við Bandaríkin um þróun nýrrar tækni í kjarnorkuverum í báðum löndum.

Munu ríkin tvö skiptast á upplýsingum um mál sem tengjast stefnumörkun, rannsóknum og framþróun í framleiðslu rafmagns með kjarnorku.

Svíar birtu sl. haust áætlun um að auka verulega raforkuframleiðslu með kjarnorku til að mæta vaxandi eftirspurn eftir rafmagni. Í fyrsta áfanga verða byggðir kjarnaofnar á næsta áratug sem geta framleitt að minnsta kosti 2.500 megavött af raforku.

Þrjú kjarnorkuver eru starfandi í Svíþjóð og þar eru samtals sex kjarnaofnar.